gstanzln (kosovo)

[überregionale version]

am balkan im kosovo drin
dort san lauter ausländer drin
lauter serben und albaner und
kane hiesign

jo im kosovo san kane hiesign drin
und drum hams so vü gschossn do drin
und hättns net so vü gschossn do drin
jo dann waratn lauter hiesige drin

daham bist in da hamat und
des is dort wo ma lebt und
wo ma streit und schiasst do is ka hamat net und
wo ka hamat is is kane net

[mühlviertlerische version]

am balkan in kosovo drin
doat hand laudda auslända drin
laudda serbn und albana und
koane hiesign

jo in kosovo hand koane hiesign drin
und drum haums so für gschossn do drin
und hedns ned sofü gschosn do drin
jo daun waradn laudda hiesige drin

jo dahoam bisd in da hoamad und
des is doadd wo ma lebd und
wo ma streidd und scheosd do is koa hoamad ned und
wo koa hoamad is is koane ned

(Anm.: die Kosovo-Gstanzln sind ein Versuch zu erklären, warum plötzlich im Kosovo keine Einheimischen, sondern nur mehr Ausländer leben)

Liebe ist ...

Liebe ist ...

du und i
du und i
du und i
du und i

du und i
du und i
du und i
du und i

du und i
du und i
moxdu mi
mogi di

mogi di
moxdu mi
du und i
du und i

der general

der general

general: ich bin der senile general.
bursch: und ich sein begriffsstutziger bursch.
general: der feind ist der feind.
bursch: wo ist der feind?
general: das ist ein befehl!
bursch: gschamsta diena!
general: metzeln wir.
bursch: wir metzeln?
general: den feind. das ist ein befehl!
bursch: gschamsta diena!
general: metzeln! mit an hurra!
bursch: metzeln! metzeln!
general: lass mir die dirn kommen.
bursch: die dirn! zu befehl!
general: ich dinier derweil.
bursch: diniern. zu befehl!
general: ich dinier mit der dirn. ha-ha! ha-ha-ha!
bursch: ha-ha! gschamsta diena!
general: ihr gehts metzeln - metzeln, ja! derweil dinier ich mit der dirn.
bursch: metzeln. zu befehl! die dirn - wo bleibt die dirn!
general: den feind metzeln, den feind! der feind ist der feind.
bursch: gschamsta diena! den feind! den wer'ma scho finden, den feind! na wart, du feind!
general: so is' brav! und dass' ma schön metzeln tuts, ja?!
bursch: jawoll! zu befehl!


[Anm.: entstanden als Reaktion auf die jugoslawischen Bürgerkriege in den 1990ern; "Hurra!" war der Schlachtruf zu Zeiten der Österreichisch-Ungarischen Monarchie, er ist noch im 1. Weltkrieg beim Angriff aus den Schützengräben heraus von den Soldaten gerufen worden]

Sprachkultur

Sprachkultur

wean - motschkan
laund - frogn
graz - nix sogn

wean - keppln
laund - hoelfn
graz - ignoriern

wean - aunredn
laund - grapschn
graz - schaun

[Anm.: diese Unterschiede sind keine Illusion: in Graz hält man Distanz, in Wien nicht, beide sind 'anonyme' Städte - am Land dagegen ist man 'manueller' orientiert, was man nun positiv und/oder negativ sehen kann]